.png)
أولاً: نظرة عامة بخصوص التدريب في المعهد
التدريب الأكاديمي في المعهد بيتقسم لثلاثة تدريبات طوال فترة دراستك، وكل تدريب ليه متطلبات ومواعيد معينة.
وأول تدريب عندنا هو تدريب أ - ITR 201
📌 متى يبدأ تدريب أ؟
بداية من الترم الثالث في سنة تانية ، بشرط إنك تكون مخلص المتطلبات المطلوبة للتدريب.
ملاحظة: مش شرط من الترم الثالث ، لو انت مخلص متطلب سابق بتاع تدريب أ ، تقدر تسجله في اي ترم قبل الترم التالت.
📌 ما هي المتطلبات المبدئية لتدريب أ؟
لازم تكون مخلص 4 مواد: محاسبة مالية من سنة أولى، ولوجيستيات، ومبادئ تسويق، وإدارة إنتاج من سنة تانية.
📌 هل لازم أسجل التدريب في ترم معين؟
مش لازم تسجل في ترم معين ، لو خلصت المتطلبات في الترم التاني ولكن مش حابب تسجل ، تقدر تأجل التدريب للترم التالت أو ترم أول سنة تالته.
ملاحظة : ولكن يفضل بنسبة كبيرة جداً جداً جداً انك تسجل التدريب في الترم التالت ، لان الترم اسمه ترم التدريب الصيفي ، ولان المعهد بينزل شركات تبعه خلال الترم دا.
📌 كيف أسجل التدريب؟
التسجيل بيتم عن طريق القسم ، ورقيًا في البداية عبر منسق التدريب في القسم بعدها عبر موقع التسجيل الإلكتروني الخاص بالمعهد mis.hti.edu.eg .
📌 متى أقدر أسجل التدريب؟
التسجيل بيتم مع تسجيل المواد الدراسية في بداية كل ترم.
📌 التدريب يعادل كام وحدة؟
التدريب بيكون بـ 0 يونت، ومش بيأثر على الـ GPA أو عدد الوحدات اللي بتتحقق في الترم ، وتعتبر مادة نجاح ورسوب بس لازم تخلصها عشان تفتح التدريب الي بعده.
📌 ممكن أسجل مواد مع التدريب؟
لو هتسجل في الترم الأول أو التاني، تقدر تسجل معاه 4 مواد (12 يونت) ، أما لو هتسجل في الترم التالت، مينفعش تسجل مواد تانية مع التدريب إلا في حالة الرسوب.
📌 التدريب بيكون داخل أو خارج المعهد؟
التدريب بيكون في شركات أو مصانع خارج المعهد، والاختيارات المتاحة هتكون متوفرة ويتم الإعلان عنها في جروبات المندوبين (قسم إدارة الأعمال) أو الصفحة الرسمية لقسم إدارة الأعمال.
📌 مدة التدريب؟
بتختلف حسب مكان التدريب، بس عادةً التدريب بيكون من بداية شهر 6 لغاية نهاية شهر 7 .
📌 عدد الطلاب في التدريب؟
العدد بيختلف حسب المكان اللي هتتدرب فيه، في أماكن بتقبل أعداد كبيرة وأماكن قليلة.
📌 عدد أيام التدريب وساعاتها؟
بتختلف حسب الجهة اللي هتتدرب فيها، وكل مكان ليه المواعيد والساعات المعينة.
📌 ايه الي بيحصل بعد ما نخلص التدريب؟
بعد ما تخلص التدريب، هتحصل على شهادة من الجهة اللي اتدربت فيها، وتستعد لمناقشة التدريب في أسبوع الفاينال.
📌 ايه هي مناقشة التدريب؟
المناقشة بتكون عبارة عن أسئلة من الدكاترة في اللجان، وبتتوجه ليك بناءً على تجربتك في التدريب ، المناقشة بتكون بالعربي، والتقرير مكتوب بالعربي (ومش هتفرق لو اتكتب بالإنجليزي لو انت من قسم أنجلش بس راجع مشرف التدريب بتاعك).
📌 هل المناقشة عليها درجات؟
نعم، المناقشة بتُقيم بــ "P" (نجاح) أو "F" (رسوب)، والنقاط بتظهر مع نتائج المواد في نهاية الترم (لما أعلان الإلتماس بينزل).
📌 هل يختلف تدريب الشركات بين قسم عربي وإنجليزي؟
لا، مفيش فرق، التدريب بيكون مشترك بين قسم عربي وإنجليزي.
ثانياً: نظرة عامة عن تدريب أ (عناصر التدريب)
تدريب أ هو أول خطوة حقيقية بتقربك من سوق العمل، وعلشان كده المعهد حاطط ليه شوية متطلبات سابقة لازم تكون مخلصها قبل ما تبدأ التدريب.
إيه هي المتطلبات اللي لازم تخلصها قبل تدريب أ؟
مبادئ المحاسبة المالية (من سنة أولى)
إدارة الإنتاج
إدارة اللوجستيات
مبادئ التسويق
المواد دي مش محطوطة كده وخلاص، لأ، كل مادة منهم بتغذي جزء معين من عناصر التدريب. يعني كل اللي درسته قبل كده هيبان ليه فايدة دلوقتي!
عناصر تدريب أ الأساسية
تدريب أ بيركز على 4 عناصر رئيسية، وكل عنصر فيهم بيرتبط بمادة من المواد اللي فوق:
النظم المحاسبية ← مرتبط بـ "مبادئ المحاسبة المالية"
المشتريات ← جاي من "إدارة اللوجستيات"
المخازن ← ناتج عن "إدارة الإنتاج" و"اللوجستيات"
التسويق والمبيعات ← جاي من "مبادئ التسويق"
هتدرس إيه في فترة التدريب؟
كل عنصر من العناصر دي بيكون جواه 3 أو 4 مواضيع فرعية لازم تبقى عارفها كويس، لأنك هتحتاجها بعد كده سواء في التدريب العملي أو في شغلك بعد التخرج ، التدريب مش مجرد حضور، دي فترة بتجهزك للسوق فعليًا.
عناصر تدريب أ:
-2.png)
ثالثاً: نظرة عامة عن تدريب ب (HR – إدارة الأفراد)
بعد ما تخلص تدريب أ، بييجي الدور على تدريب ب، واللي بيكون مركز أكتر على إدارة الموارد البشرية – HR، وده جزء مهم جدًا لأي حد داخل مجال البيزنس أو الإدارة.
تدريب ب بيركز على إيه؟
تدريب ب بيأهلك لإزاي تدير الأفراد داخل بيئة العمل، سواء كانوا موظفين أو عمال. وده من خلال التركيز على شوية حاجات أساسية، زي:
قوانين العمل
أنواع الإجازات
الحوافز والمكافآت
نظام المرتبات
إزاي تتعامل مع الموظفين وتطور من شغلهم
وكمان بتدرس الموازنات التخطيطية والرأس مالية وكيفية تحليل العلاقة بين الأرباح والخساير
يعني ببساطة، التدريب ده بيجهزك تبقى شخص فاهم في التعامل مع الناس جوه الشغل وأزاي تعمل موازنة لشركة بتاعتك، وده من أهم مهارات سوق العمل.
إيه هو المتطلب السابق لتدريب ب؟
قبل ما تسجل تدريب ب، لازم تكون مخلص تدريب أ.
عناصر تدريب ب
المعهد بيحدد شوية عناصر رئيسية للتدريب، تقدر تطلع عليهم دلوقتي علشان هتحتاجهم بعدين سواء في المناقشة أو في كتابة التقرير.
-3.png)
رابعاً: نظرة عامة عن تدريب ج (التخصصات)
لو إنت طالب في قسم إدارة الأعمال في المعهد التكنولوجي العالي بالعاشر من رمضان، أكيد سمعت عن تدريب "ج" اللي بيمثّل المرحلة الأخيرة من التدريب العملي في القسم. التدريب ده مش مجرد حاجة بتخلصها وخلاص، ده بيجهزك فعليًا لسوق الشغل، وبيخليك تطبّق اللي درسته بشكل عملي ومفيد جدًا.
في المقال ده، هنتكلم مع بعض عن تدريب (ج)، وهنفصّل كل تخصص فيه بطريقة بسيطة ومفهومة، وهتشوف إزاي التدريب ده ممكن يفتحلك أبواب كتير في مجالك.
🧠 أولًا: تدريب ج تخصص نظم معلومات الأعمال (ITR 406)
في التدريب ده، الطلبة بيتعرفوا على أحدث التقنيات اللي بقت جزء أساسي من كل شركة ومؤسسة دلوقتي. من الإنترنت وتأثيره على البزنس، لحد الأمن السيبراني والذكاء الاصطناعي.
أهم الحاجات اللي هتتعلمها:
التجارة الإلكترونية وإدارة الأعمال الرقمية.
تطبيقات زي ERP و SaaS.
تحليل البيانات الضخمة باستخدام الذكاء الاصطناعي.
أمن الشبكات، البلوك تشين، وإنترنت الأشياء (IoT).
باختصار، التدريب ده بيحطك على أول طريق التحول الرقمي في البزنس.
عناصر التدريب:
-4.png)
📊 ثانيًا: تدريب ج تخصص إدارة (ITR 402)
اللي بيحب يفهم التخطيط والإنتاج وإزاي يشتغل مدير ناجح، التدريب ده هيفهمه دا.
هتتعلم فيه:
إزاي تحلل وتخطط باستخدام SOWT.
الإدارة الإلكترونية والمتابعة المستندية.
قياس وتحسين الإنتاجية في المواقع الصناعية.
إعداد الموازنات والرقابة باستخدامها.
ده تدريب بيعلمك تمسك زمام الأمور وتكون قائد شاطر في الشغل.
عناصر التدريب:
-5.png)
📣 ثالثًا: تدريب ج تخصص تسويق (ITR 408)
لو عندك شغف بالماركتينج، يبقى التدريب ده هيكون ممتع ليك جدًا.
أهم الحاجات اللي فيه:
إعداد الحملات الترويجية والخطط التسويقية.
أدوات وتقنيات التسويق الرقمي.
البيع وإدارة المنتجات.
التسعير والتوزيع الصح.
يعني ببساطة، هتتعلم إزاي تبيع وتوصل المنتج للعميل بأذكى طريقة.
عناصر التدريب:
-6.png)
🌍 رابعًا: تدريب ج تخصص اقتصاديات التجارة الدولية (ITR 420)
ده للناس اللي بتحب تفهم الاقتصاد العالمي والسياسات الاقتصادية.
الموضوعات اللي هتتطرق ليها:
تحليل السوق والعرض والطلب.
اقتصاديات الصناعة والزراعة والطاقة.
الاستيراد والتصدير والجمارك.
البورصة، البنوك، والائتمان.
التخصص ده بيجهزك تشتغل في مجالات مرتبطة بالاقتصاد، البنوك، أو التجارة الدولية.
عناصر التدريب:
-7.png)
💰 خامسًا: تدريب ج تخصص محاسبة (ITR 404)
لو انت بتفكر تبقى محاسب شاطر أو تشتغل في مراجعة الحسابات، التدريب ده ليك.
هتدرس فيه:
إعداد القوائم المالية زي قائمة الدخل والتدفقات النقدية.
الضرائب والمعالجات المحاسبية.
نقطة التعادل والمبيعات المستهدفة.
مراجعة الحسابات وتقرير مراقب الحسابات.
ده التخصص اللي بيخليك تمسك دفاتر الشركة من الألف للياء.
عناصر التدريب:
-8.png)
خطوات تسجيل التدريب ورقياً
.png)
.png)
خطوات تسجيل التدريب الكتروني
- يدخل الطالب الي موقع التسجيل
- يبحث عن كود الشركة
- يقوم بإدخال كود الشركة في موقع التسجيل (بكود الشعبة الخاصة به)
- يقوم بعمل تقرير كرت تسجيل والإحتفاظ بكرت التسجيل مع التأكد انه قام بتسجيل التدريب
تكوين التقرير
الغلاف |
فيه لوجو المعهد
كود التدريب
لوجو الشركة
إسمك
رقم الكارنيه (ID)
إسم المشرف
فترة التدريب من تاريخ كام لكام
النبذة | سيرش على جوجل (أو اسالهم علي نبذتهم الي بيكون فيها تعريف الشركة وأهدافهم ومهامهم)
نبذة الشركة بتبقى عن إزاى بدأت الشركة تاريخ الإنشاء محلية ولا عالمية
الخدمات اللى الشركة بتقدمها
رؤية الشركة
رسالة الشركة
الفهرس | عبارة عن جدول
لو انت تدريب ( أ ) فانت الفهرس متقسم عندك لاربع أجزاء كل جزء عبارة عن فصل..
من الفصل الأول إلى الرابع والمحتويات بتعته وترقمها ترقيم الصفح فالتقرير بعد ما تنتهى من كتابتة
لو انت تدريب ( ب ) انت عندك المحتويات كلها مرتبطة ببعضها مش اجزاء معينة
فانت اعمل جدول فيه ال7 عناصر ورقمهم ترقيم الصفح برضوا
محتويات التدريب |
الكلام اللى بتكتبة ف التقرير
يفضل يكون المقاسات
* إسم الفصل 18
* العناصر 16
* الشرح 14
جميع الخطوط Bold
المسافات بين سطور الشرح 1.15 وبين العنصر 1.5
التنسيق على حسب رغبة الطالب
المراجع |
اخر صفحة فى التقرير تحط فيها جميع المراجع سواء
* إسم كتاب من المعهد
* لينك صفحة على جوجل
على حسب المصدر بتاعك
عدد صفح التقرير | 35 بدون الغلاف والنبذة والفهرس والمراجع إجمالى 40 او من خلال التنسيق مع المشرف بتاعك
هتلاقي في الدرايف دا بعض الامثلة علي تقارير التدريب + أهم اسئلة المناقشة:-
https://drive.google.com/drive/folders/15ilxxMYfGUZHQZ2yf6wzx8e5RCEEqatJ?usp=drive_link
نشكركم على زيارتكم لموقعنا. يسرّنا معرفة آرائكم حول تجربتكم، كما نرحب بأي ملاحظات أو اقتراحات من شأنها تحسين خدماتنا. فضلاً لا تترددوا في مشاركتها معنا، فآراؤكم تهمّنا وتسهم في تطوير جودة ما نقدمه لكم.