.png "سحب مواد")
1- إيه هو سحب المواد؟
🔹 سحب المواد معناه إنك تكون مسجل مواد وتلغيها خالص من جدول المواد الي انت مسجلها وممكن تأخذها في وقت تاني في اي ترم، ومبيتأثرش السحب علي GPA نهائياً.
2- ليه أسحب مواد؟
🔹 عايز تجيب تقدير عالي وجبت درجة وحشة في الميدترم.
🔹 مش مذاكر محاضرات بتاعتك ومحضرتش Mid-term وده هيأثر على GPA.
🔹 عندك ظروف شخصية أو صحية ومش هتقدر تكمل المواد بشكل مناسب.
🔹 جايب درجة وحشة في الميدترم واعمال السنة مش مظبوطة وفي احتمال تشيل المادة ، أو انك تجيب تقدير وحش فيها.
3- ميعاد سحب المواد؟
📅 بعد ال Mid-term بيكون في الغالب بين الأسبوع 11 أو 12.
4- إزاي أسحب مواد؟
🔗 من موقع المعهد: لينك السحب
🔗 طريقة السحب: ملف تفصيلي
🔗 كتيب شرح للسحب : أضغط هنا
5- هل سحب المواد يؤثر على المصروفات؟
💳 لا ، ولكن خلي بالك لو فضلت تسحب كتير هتتاخر ودا ممكن يزود عليك مصاريف ، لان كل دفعة او مستوي ليها شريحة في مصروفات معينة بمعني:
شريحة المستوي الأول (من 0 - 33 يونت)
شريحة المستوي الثاني (من 34 - 66 يونت)
شريحة المستوي الثالث (من 67 - 99 يونت)
شريحة المستوي الرابع (من 100 - 135 يونت)
كل شريحة من دول ليها مصروفات مختلفه ، لو انت مثلا دفعة سنة تانية وسابق شريحة بتاعتك (يعني مخلص اكتر من 66 يونت) فدا بيقلل من المصاريف بتاعتك ، ولكن لو انت اقل من 34 يونت فدا هيزود عليك مصاريف
6- متي ممكن أسجل تاني المواد الي أنا سحبتها؟
📝 في أي وقت وفي أي ترم تنزل فيه المادة يمكنك تسجيلها من جديد.
🤔 إزاي تعرف إذا كنت تقدر تسحب مادة ولا لأ؟
💡 قبل ما تقرر تسحب المادة، لازم تفهم نظام الدرجات كويس عشان ما تأثرش على مستقبلك الأكاديمي!
🔢 نظام توزيع الدرجات في الترم:
✅ 100 درجة إجمالي درجات المادة
📌 30 درجة أعمال سنة
📌 20 درجة امتحان ميد تيرم
📌 50 درجة امتحان فاينل
🎯 إمتى يكون سحب المادة اختيار مناسب؟
✔️ لو عايز تجيب تقدير عالي (A مثلاً)
➡️ لازم متنقصش اكتر من 10 درجات ، يعني متنقصش 10 درجات في الميدترم وأعمال السنة.
➡️ لو حاسس إنك مش هتقدر توصل للتارجت ده، تقدر تسحب المادة وتاخدها تاني في ترم مختلف (بس فكر كويس).
✔️ لو هدفك إنك تنجح في المادة بس
➡️ لازم تكون جايب 50 درجة على الأقل في مجموع المادة بالكامل.
➡️ كمان لازم تكون جايب 17 درجة على الأقل في الفاينل، وإلا هتعتبر راسب في المادة حتى لو مجموعك الكلي 50 أو أكتر.
⚠️ نصيحة: قبل ما تسحب أي مادة، راجع كويس تأثير القرار ده على خطتك الدراسية، عشان ما تلاقيش نفسك متأخر في مواد أساسية! 😉📚
⭐️ معلومة
🔹 خلي بالك إنك لو سحبت مواد، لازم تعرف المواد دي بتفتح مواد تانية ولا لا، لأنه لو سحبت مادة مرتبطة بمواد أخرى، مش هتقدر تفتحها لاحقاً.
مشاهدة شجرة مواد القسم
نشكركم على زيارتكم لموقعنا. يسرّنا معرفة آرائكم حول تجربتكم، كما نرحب بأي ملاحظات أو اقتراحات من شأنها تحسين خدماتنا. فضلاً لا تترددوا في مشاركتها معنا، فآراؤكم تهمّنا وتسهم في تطوير جودة ما نقدمه لكم.